الانترنت صار مقرف .اول نفتحه ندور شي يوسع الصدر, الحين ما فيه الا الاكله هذي مسرطنه, والعصير هذا يسبب صلع ,وكيس الخبز اذا شقيته بدون تفك الربطه يسبب سرطان في الابط,والصابون اذا حطيته في فمك يسبب سرطان لثه.والله مليت
كل شي مسرطن .كل شي ضار ..يلعن بليسكم اذا كل شي مسرطن وضار وشلون عشنا.حتى الحب قالوا مسرطن..والشطة الي فيها مادة سو بي كورا مي دقني دقني دقني دق دق دق !!!..مسرطنه
الجح الي يباع في عز الصيف مسرطن.الماء الي تشربه بعد الوجبه يسبب حوله..
طيب ياخي غصيت وشلون ادف اللقمة .اموت الله يلعن ام الاشاعات..لا والمصيبه اذا صار مصدر الاشاعة شركة تعال شوف.شركة سنكرس تستخدم زيت الخنزير عشان تدعم اسرائيل!!!.
والله يا جماعه من كثر الخزعبلات تلخبططت الافكار.الشماغ اذا لبسته والمرزام مقلوب يسبب سرطان في الاصبع الصغير من رجل شغالتكم(عشانها هي اليي تغسله)
قل هذي الجمله؟؟؟؟؟الان كسبت 398321 حسنه..على كيف امك هي .توزع حسنات يابو الشباب
لا ويقولك انتبه لا يضحك عليك الشيطان ارسلها .انتبه تضغط دليت ترا اصل كلمت دليت
delete = devel
وتعني الشيطان
تلاحظ انا اول حرفين نفس الشي
de
Vوبدل.
L. بحرف
L يعني لا يضحك عليك الشيطان
Tوحرف
معناها تخسي تضحك علي
وصدقوني انا كتبتها وبعد فترة بتجيكم اشاعة وان مخترع الكيبورد يهودي
الله يلعن ام الخزعبلات يا شيخ
انتبه انتبه ترا الشيطان واقف جنبك
ما درا ان الشيطان هو الي يضحك عليه وطاق معسل جنبه ويقول قم غير لي جمر
والملاحظ ان مصدر هالخزعبلات الدينية هو صغار السن والجهله .والا الي هم في جهه والدين في جهه ثانية..ما اقول ان انا كامل انا مثلكم بس ياخي قبل ما ترسل تاكد ان الاذكار يبغى لها تفكر وتامل واخلاص نية لله ..موب قاعد تقول الاذكار ومحمد عبده يدهر معك..
سامحوني كل الحكاية ان الكيل طفح.....وعلى طاري الطفح ترا كثرة البربرة في النت تسبب طفح جلدي في مناطق حساسه..............
