ما انا قلت لك يا بحر
ع اللى عملة الزمان
ساعة حظ ندتلة
غواة فيها الشيطان
فراغ بيلعب بية
بياخدة لكل مكان
بحار مش لاقى بر
تاية بين الشطأن
كان فى حياتة سر
نتيجة للحرمان
يمشى ورا كل موجة
هوايتة التوهان
غرة شبابة وهواة
نسى وعصى الرحمن
وستر ربة اتاة
وقال انا ندمان
وياريتها من جوة قلبة
كانت من ع اللسان
اتحكمت فية شهوتة
واعتاد على العصيان
يا بحر ازاى يقدر يعود
من تانى ليا الزمان
الجرح بيسيب اثر
ويعلم على الجدران
يا بحر دموع عنية
انت بتجرى فيا
لسة لحد الان
وكل يوم ابكى تزيد ميتك
وبقول انا غلطان
يا بحر فى لمح البصر
نسيت حلاوة الايمان
والقلب اصبح حجر
والسر كان ضعفى
وغريزتى بقت ادمان
ااااااااالرضاااااااااااا
بطاقات : مع البحر كان حديثى
