داري اللـي بحكـم الله معمـوره ثم باللي سعولـك تحـت واليهـم مر ركب الزمـان وللزمـن دوره وذكرتهم ليالـي اليـوم ماضيهـم يوم فتح الرياض ونصر اخو نوره ويوم وردت على المصمك هناديهم ناض برق السيوف وشاقني نوره وهيضوني هل العوجا بعزاويهـم ردد طويق صوتٍ عانق صخوره وسال بمردونـات العـز واديهـم عل يمنا تهاب السيـف مكسـوره وعل نفسٍ جفاهـا العـز تفديهـم دارنا من قديم الوقـت منصـوره وربعنا مـا نسـوا يـومٍ مباديهـم أجمع الرمل في ضلوعك غرام و اطو زندك علـى ضلعانهـا عانق الرمث وعـروق الثمـام و اصلِ خدك علـى صوانهـا أرضك اللي بها البيت الحرام أشـرق النـور مـن وديانهـا ربعـت بالمحبـة والـسـلام واعشبـت بالفخـر صمانهـا أنت بالمجد لـك راس السنـام وعزة النـاس مـن أوطانهـا ارفع الـرأس يالحـر القطـام واكثر الحمـد للـي صانهـا ديرتك من عشقهـا مـا يـلام ويغضب الله على مـن خانهـا

اضف: