ستي يا ستي الله يرحمك يا ستي ويرحم جميع اموات المسلمين كل حكايه بتبتدي بوصف بطل الحكايه بس انا ما رح اوصف ستي من خلال الحكي رح تعرفو ستي حكايات بعدني متدكرتها وحكايات من الداكره محتها الايام.حكايات حلوه مفرحه وحكايات مره امر من الايام.بدات اسمع حكايات ستي من كان عمري 8 سنين ايامها ستي يومين ما داقت الزاد ولا النوم، مفتاح كبير بايدها وبين صدرها وبتعني ليل نهار موال يا دار يا دار يا دار الحباب ... راجعه حط المفتاح بالباب وادبح الخرفان يا دار جيوش العرب صارت عالباب من تسع سنين قالوا يومين وبترجعو للدار وانا بعدني ناطره شم ريحه التراب يا ترى يا حلالي ناطرين متلي لو اخدوكم الاغراب يا بقرتي مين بيحلبك وللجمل مين بيعلي باب الدار ويا قمحي مين بيحصدك من بيدري والغله صارت بايد اي غدار طبعا ما رح اكمل الموال الايام جاي كتيروبتسمعو بقيه الموال.ستي ضلت تغني الموال ليوم ما ماتت وراحت للعزيز الجبار، عشان هيك بعدني بتدكر الموال ورح اضل اغنيه واعلمه للاحفاد. اكيد عرفتو هدا اليوم، كان حرب ال 67 . كنا ساكنين بمنطقه لبنانيه مختلطه اسلام، مسيحيه ،ارمن كنت اسمعهم بيقولو يلا رح يرجعو اللاجئين بس انا ما بعرف شو بيحكو ولا شو بيقصدو ليوم بلعب مع صاحبتي زعلت مني وقالتلي روحي من بلادنا انتو بعتو بلادكم وجيتو عندنا صرت ابكي ورحت اركض اضرب ستي وقلها ليش بعتو ارضنا بكيت ستي ومدت ايدها عصدرها وطلعت كيس مخبى على قلبها ما بيفارقها لا ليل ولا نهار فتحت الكيس شمته وسمت عليه وقالت يا ستي هدا مفتاح الدار ،هو نفس المفتاح اللي كانت بتغنيله ومن هون بدات اسمع حكايات ستي كل يوم وعرفت البلاد وسمعت كيف طلعو من البلاد. الاسبوع الجاي بنكمل كيف طلعنا من البلاد اعدروني لكن هده امانه برقبتي ولازم الكل يسمع انه احنا ما بعنا البلاد قصه حقيقه وفي شهود عليها ولازم تظهر مهما خبتها الايام ان كان بالعمر بقيه بنلتقي اسبوع الجاي وبنكمل حكايه ستيمشاهدة المزيد
